TAKK FYRIR KONUNA

Hanna frá Jaðri leikur sér með tungumálið í listsköpun sinni. Tvö verka hennar, með viðeigandi áletruninni Takk fyrir konuna, eru nú til sölu í Bleiku búðinni og rennur ágóðinn óskiptur til Bleiku slaufunnar.

Hanna nálgast verk sín með nýtni og útsjónarsemi að leiðarljósi og segir það eiga rætur sínar í  uppeldinu í Suðursveit. Hún hefur unnið með alls konar efnivið, en hvað þekktust fyrir textaverk sín sem eru unnin með olíu- og akríllitum á fundinn efnivið. Hanna hefur gert nokkrar útfærslur af verkinu Takk fyrir konuna, en verkin sem Bleika búðin hefur til sölu eru að sjálfsögðu bleik: 

1. ljósbleikt með rauðu letri
   45 x 27 cm
   
   
2. laxableikt með rauðu letri
   37 x 23 cm
   

Um er að ræða einstakt tækifæri til að styrkja veglega við Bleiku slaufuna og eignast um leið verk eftir Hönnu frá Jaðri.